الأسئلة المتداولة

  • هي الحلقة بتنزل امتى؟

    يوم الأربعاء من كل إسبوع ذيع موهبتك هينزل حلقة جديدة في محافظة مختلفة.

  • هي ليه كل المواهب مش ظاهرة في الحلقة؟

    عشان وقت الحلقة قصير، ف مش قادرين نحط كل المواهب اللي سجلت معنا في كشك ذيع موهبتك في حلقة واحدة. بس ده مش معناه إن اللي مظهرش في الحلقة الأساسية هيكون خارج المسابقة! ل المواهب اللي سجلت معانا في كل المحافظات بتتنافس علي لقب "فائز الأسبوع". هتلاقي فيديوهات كل المواهب في قائمة هتنزل مع كل حلقة عشان تقدر تتفرج عليهم كلهم وتدي صوتك للأحسن..

  • أصوت ازاي للموهبة اللي عجباني عشان تبقى "فائز الإسبوع"؟

    ممكن تصوت على موقعنا أو تعمل Likes و Comments و Shares على الفيسبوك واليوتيوب لفيديوهات الموهبة أو المواهب اللي عجبتك عشان يبقى "فائز الإسبوع".

  • أنا عجبني كذا موهبة.. ممكن أصوت لأكتر من واحد؟

    اه طبعاً ممكن تصوت لأكتر من موهبة.. بس ماينفعش تصوت لنفس الموهبة أكتر من مرة واحدة.

  • التصويت بيتحسب ازاي؟

    التصويت بيتحسب عن طريق التصويت على موقعنا + عدد المشاهدات + Likes و Comments وShares على الفيسبوك واليوتيوب لفيديوهات الموهبة أو المواهب اللي عجبتك.

  • هو التصويت بيكون قد إيه؟

    التصويت بيبدأ يتحسب من أول ما الحلقة بتنزل يوم الأربعاء من كل إسبوع لحد يوم الثلاثاء اللي بعده، قبل نزول الحلقة الجديدة بيوم واحد.

  • امتى بيتم الاعلان عن "فائز الإسبوع"؟

    بيتم الاعلان عن "فائز الإسبوع" كل يوم ثلاثاء قبل نزول الحلقة الجديدة بيوم واحد.

  • "فائز الإسبوع"، هيكسب ايه؟

    "فائز الإسبوع" لكل حلقة هيكسب تسجيل وتصوير أول أغنية ليه في ستوديو احترافي.